Klei bi lông bi ruê̆ klei hriăm gưl 3 thŭn 2023 ti hruê kăm kơ anăp, čar dak Lak mâo êbeh 21.000 čô nao bi lông ti 33 bĭt anôk bi lông hŏng 900 adŭ bi lông. Čiăng rơ̆ng klei hơĭt kơ gưl bi lông, dŭm anôk bruă pui kmlă Dak Lak ksiêm dlăng leh êlan klei pui, mkŏ mjing lu hdră êlan mkăp pui kmlă hlăm gưl bi lông. Hlue anăn, dŭm anôk bruă mđĭ hĭn klei ksiêm dlăng, mkra bi jăk êlan klei pui, anôk bi hrŏ hnơ̆ng pui kmlă djŏ tuôm hŏng anôk kđăm klei bi lông, dŭm anôk bi lông leh anăn brei puăng.

Ăt msĕ mơh hŏng bruă mgaih msir klei truh huĭdah mâo bi kpăk klei mkăp brei pui kmlă. Dhar bruă pui kmlă ăt tiŏ nao mnuih ngă bruă 24/24 hŏng djăp kdrăp yua, mnơ̆ng yua, mgaih msir dŭm klei truh tăm mâo. Mbĭt anăn, dŭm anôk bruă pui kmlă ăt čŏng pô mă bruă, bi mguôp hŏng dŭm anôk bruă djŏ tuôm ti alŭ wăl čiăng mđĭ hĭn dŭm hdră êlan răng mgang klei êđăp ênang kơ klei bi lông.