VOV4.Êđê- Hluê ngă bruă mkŏ dăp khuăt, mđĭ boh tŭ hdră mă bruă mơ̆ng anôk bruă kđi čar hluê si Hdră mtrŭn Gưl dlông 6 (tal XII), truh ti thŭn 2025, čar Dak Lak srăng khăt bi hrŏ êbeh 3.800 ênoh biên chế mnuih mă bruă hlăm dŭm anôk bruă ngă hră m’ar knŭk kna gưl čar. Hluê si klei hưn mơ̆ng Knơ̆ng bruă ksiêm dlăng mnuih mă bruă čar Dak Lak, hlăm thŭn 2021, čar bi hrŏ leh êbeh 10% ênoh biên chế, bi knar hlăm brô 1.500 čô mnuih.

Mơ̆ng ară anei truh thŭn 2025, tĭng kluôm čar lŏ bi hrŏ êbeh 3.800 ênoh biên chế mnuih mă bruă. Bạch Văn Mạnh, Khua Knơ̆ng bruă ksiêm dlăng mnuih mă bruă brei thâo: Srăng mâo lu klei dleh dlan hlăm bruă khăt bi hrŏ anei, boh nik hŏng anôk bruă mdrao mgŭn lehanăn mtô bi hriăm. Khă snăn, čar srăng gĭr hluê ngă djŏ hdră kčah. Êlâo hĭn, thŭn 2022 srăng khăt bi hrŏ hlăm brô 800 čô mă bruă, leh kơnăn srăng lŏ bi hrŏ hlăm brô 1 êbâo čô mă bruă hlăm grăp thŭn./.

                                                   Pô mblang: H’Nêč Êñuôl