VOV4.Êđê - Hruê 13/4, Êpul gru bi kal hrah čar DakLak mkŏ mjing leh hdră mkăp êa rao mdjiê kman kơ 400 boh sang hră gưl sa lehanăn hđeh điêt ti alŭ wăl čar Dak Lak. Ti knăm anei, bi ala phung đru brei, jao leh 10 êbâo mta êa ksŭng kŏng đŏk, 13 êbâo lit êa rao kngan mdjiê kman lehanăn 15 kdrăp kar êa hŏng ênoh êbeh 4 êklai 500 êklăk prăk.

Kdrăp anei dưi mkăp kơ 400 boh sang hră gưl sa lehanăn hđeh điêt ti alŭ wăl čar Dak Lak. Hluê si Trần Thị Phương Thu, K’iăng khua êpul gru bi kal hrah čar Dak Lak, mbĭt hŏng dŭm mta mnơ̆ng mâo tŭ mă, êpul gru bi kal hrah čar ăt bi hgŭm hŏng êpul đru brei lŏ dơ̆ng ksiêm dlăng, ruah sang hră ti krĭng taih kbưi mâo klei čiăng yua kdrăp kar êa srăng lŏ đru hlăm wưng ti anăp./.

H’Nêč pô mblang