Dak Lak tŭ mă êbeh 622 hnơ̆ng êrah hlăm “Knăm 7 hrah”
Thứ hai, 11:00, 15/01/2024
VOV Tây Nguyên
VOV Tây Nguyên
VOV4.Êđê- Hruê mbruê 14/1, ti ƀuôn prŏng Ƀuôn Ama Thuôt, Êpul gĭt gai mtrŭt mjhar klei myơr êrah čar Dak Lak bi mguôp hŏng dŭm anôk bruă mkŏ mjing hdră myơr êrah Knăm 7 hrah.
Mơ̆ng aguah ưm, mâo leh êbeh 1000 čô bi klă nao myơr êrah. Hluê anăn, êpul mkŏ mjing tŭ mă leh 622 hnơ̆ng êrah. Ayun H’ Hương , khua gĭt gai êpul gru bi kal krah, k’iăng khua gĭt gai bruă myơr êrah čar Dak Lak brei thâo, jih jang hnơ̆ng êrah anei srăng ba ti Sang êa drao prŏng krĭng Lăn Dăp Kngư čiăng dŏng mdrao leh anăn mdrao kơ mnuih ruă, boh nik jing hlăm wưng tết Nguyên đán kơ anăp.
Hdră kñăm 7 hrah ti čar Dak Lak thŭn anei srăng mkŏ mjing ti 5 anôk jing: Tač êdeh phiơr Ƀuôn Ama Thuôt, wăl krah ƀuôn Hồ leh anăn dŭm kdriêk Krông Pač, Čư̆ Mgar, Krông H’Nang. Êlâo kơnăn, ti dŭm hruê 4 leh anăn 5/1 mrâo êgao, hdră mkŏ mjing ti tač êdeh phiơr Ƀuôn Ama Thuôt leh anăn kdriêk Krông Pač tŭ mă leh 620 hnơ̆ng êrah.
Viết bình luận