Hlăm knăm tŭ mă, khua Êpul gơ̆ng bruă djuê ana mơ̆ng Bruă Kƀĭn Ala Y Thanh Hà Niê Kđăm mbĭt hŏng phung bi ala dŭm anôk bruă đru ăt mđup brei 300 êklăk prăk kơ Keh prăk kyua mnuih ƀun ƀin leh anăn 50 êklăk prăk kơ Keh prăk hdơr knga tla ai čar Dak Lak.

Tŭ mă ênoh prăk anăn, Dhar bruă mặt trận čar Dak Lak mâo klei gĭt gai, mbha kơ 2 kdriêk Čư̆ Kuiñ leh anăn Čư̆ Mgar ngă bruă bi hdơr kơ phung mâo bruă tŭ dưn leh anăn đru rŭ mdơ̆ng sang dôk kơ phung ƀun ƀin. Dhar bruă mặt trận čar Dak Lak brei thâo: truh ti knhal jih thŭn 2023, čar Dak Lak adôk mâo giăm 46.100 gŏ sang ƀun leh anăn êbeh 34 êbâo gŏ sang giăm ƀun, mâo 16% ênoh gŏ sang. Ară anei, sang dôk mơ̆ng dŭm gŏ sang ƀun leh anăn giăm ƀun jing sang dôk êjai, êjai anăn ai dưi duh bi liê čar dôk mâo lu klei kƀah. Kyuanăn, anôk bruă mâo nanao klei iêo mthưr dŭm anôk bruă, phung mâo ai tiê kmah hrăm mbĭt bi mkrum mguôp đru kơ phung ƀun ƀin.