Mơ̆ng mlan 1/2024, bruă sang čư êa čar Dak Nông mâo leh klei bi klă mrô 54 bi klă hdră anăn 17 hdră iêo jak duh bi liê hŏng ênoh jih jang êbeh 3.000 êklai prăk, dôk hlăm dŭm mta bruă mâo klei găl mơ̆ng čar Dak Nông. Bruă sang čư̆ êa čar Dak Nông gĭt gai leh dŭm knơ̆ng bruă, dhar bruă, alŭ wăl djŏ tuôm lŏ dơ̆ng ksiêm dlăng leh anăn bi leh hră mơar, kñăm iêo jak klei duh bi liê 44 hdră hlăm wưng kơ anăp, hŏng ênoh duh bi liê  mĭn tĭng 290 êbâo êklai prăk, lu hlăm anăn jing tuh tia msĕ si kuai mă, mkra mjing bosit – alumin, ksuêh, pui kmlă doh…

Čar ăt mkŏ mjing dŭm êpul mtrŭt mđĭ klei duh bi liê ti lu alŭ wăl hlăm lăn čar, ăt msĕ mơh hŏng đa đa lăn čar tač êngao msĕ si India, China, Dhŭng Korea, Japon…Bruă sang čư êa čar Dak Nông mkŏ mjing êpul ngă bruă kñăm hmao mtrŭt mjhar, mgaih msir dŭm klei dleh dlan, kpăk gun mơ̆ng knơ̆ng bruă, phung duh bi liê.