VOV4.Êđê - W}ng thŭn 2006 – 2021, Daknông jing sa boh čar bi hrŏ ƀun pral hĭn êdi hlăm alŭ wăl Lăn Dap Kngư. Čar hlăk mâo lu hdră lŏ dơ̆ng bi hrŏ ƀun hŏng klei pral lehanăn kjăp. Tui si ênoh mơ̆ng Anôk bruă ksiêm yap, wưng thŭn 2006 – 2021 Daknông jing čar ba akŏ hlăm alŭ wăl Lăn Dap Kngư, lehanăn jing sa hlăm 10 boh čar bi hrŏ ƀun hŏng klei pral hĭn hlăm kluôm ala, hŏng ênoh truh 18,3% ênoh gŏ êsei ƀun.

Ba yua hdră mtrŭn mrô 07 thŭn 2021 čoh čuăn yap ƀun hŏng lu tĭng wưng thŭn 2021 – 2025, jing ênoh čuăn ƀun mrâo, čar Daknông ară anei adôk êbeh 12 êbâo 200 gŏ êsei ƀun, truh 11,2% ênoh gŏ êsei ƀun hlăm alŭ wăl. Hlăm anăn, mâo 2/3 ênoh gŏ êsei ƀun jing mnuih djuê ƀiă. Bruă Đảng čar Daknông mâo leh hdră mtrŭn, knơ̆ng bruă sang čư̆ êa čar mtrŭn leh hdră mă bruă bi djăp ênoh čuăn ƀiă êdi jing 3% ênoh gŏ êsei ƀun/thŭn, jing êbeh dua blư̆ ênoh čuăn mơ̆ng hdră ala čar kñăm. Mta kñăm mơ̆ng čar Daknông jing prŏng hĭn hŏng krĭng mnuih djuê ƀiă tơdah djăp leh ênoh čuăn bi hrŏ ƀun mơ̆ng 5% kơ dlông. Čar ktưn truh kơ thŭn 2025 amâo lŏ mâo ôh gŏ êsei ƀun djăp hŏng ênoh čuăn mrâo./.

Y-Khem pô mbllang