Hluê si Đại tá Bùi Quang Thanh, khua kiă kriê kahan ksiêm čar Dak Nông, nao mbĭt hĭn klei gĭt gai mơ̆ng phŭn bruă kahan ksiêm, Bruă Đảng čar, Êpul gơ̆ng bruă ƀuôn sang, bruă sang čư êa čar, Kahan ksiêm čar Dak Nông hluê ngă leh lu hdră êlan kdlưn hĭn, hŏng klei mbruă.

Hluê anăn dưi bi lar ai ktang mơ̆ng êpul êya, iêo mthưtt klei nao hgŭm mơ̆ng bruă kđi čar hlăm alŭ wăl. Hŏng klei ngă bruă ktang phĭt, hrăm mbĭt, mâo klei mbruă dŭm hdră êlan, hŏng hdră ngă bruă “Mă jih bruă, amâo jih mmông”, mă bruă hruê mlam, amâo mâo hruê mdei, hruê knăm nao grăp sang, khŏki djăp ƀăng čiăng ksiêm dlăng, iêo jak mnuih ƀuôn sang nao ngă hră kak asei. Yap truh hruê 29/5/2023, Êpul kahan ksiêm čar Dak Nông bi leh 100% bruă mkăp brei hră kah asei kơ mnuih ƀuôn sang ênŭm klei găl ti alŭ wăl čar, hnưm hĭn mkă hŏng mmông ƀuăn rơ̆ng hŏng Phŭn bruă kahan ksiêm mâo 2 mlan.