VOV4.Êđê- Kñăm mkŏ mkra, bi jăk êlan klei pui kmlă krĭng ƀuôn sang jing sa hlăm dŭm bruă ngă tal êlâo čiăng đru kơ klei đĭ kyar bruă duh mkra ala ƀuôn čar Dak Nông. Ară anei čar dôk mtrŭt mđĭ bi leh hdră mkăp brei pui kmlă krĭng ƀuôn sang mă mơ̆ng êlan klei pui ala čar, hŏng kluôm ênoh prăk duh bi liê êbeh 710 êklai prăk, mkăp brei pui kmlă kơ giăm 15.000 gŏ sang.

Nguyễn Ngọc Ánh, khua kiă kriê knơ̆ng bruă pui kmlă čar Dak Nông brei thâo, čiăng rơ̆ng ngă bruă djŏ wưng kčah, knơ̆ng bruă čŏng mâo leh hdră ngă bruă, tiŏ nao mnuih mă bruă, êdeh êdâo, masin, kdrăp yua čiăng ngă bruă hmar. Mbĭt anăn, hŏng bruă klam kuič mngač klei đăo knang kơ mnuih ƀuôn sang, anôk bruă ăt ngă jăk bruă ksiêm dlăng, ba yua, bi êran puoi kmlă, rơ̆ng mkăp brei pui kmlă êđăp ênang, hơĭt kjăp, đrŭ mđĭ kyar bruă duh mkra ala ƀuôn leh anăn đru mđĭ hnơ̆ng klei hdĭp mnuih ƀuôn sang.

Pô mblang: Y-Ƀel Êban