VOV4.Êđê- Čiăng ñĕ đuê̆ kơ dŭm klei truh mơ̆ng pui kmlă, boh nik hlăm yan hjan hlĭm, dŭm anôk bruă pui kmlă čar Dak Nông bi mguôp hŏng bruă sang čư êa alŭ wăl, dŭm anôk bruă, êpul êya mkŏ mjing lu gưl hâo hưn kơ bruă yua pui kmlă êđăp ênang. Hlăm dŭm mmông hâo hưn, mnuih ƀuôn sang dưi mâo klei hlăk mblang, thâo kral dŭm klei bi knăl luč pui kmlă, đrŭ kcĕ klei yuă dŭm mta mnơ̆ng êran hŏng pui kmlă hlăm gŏ sang, dŭm hdră êlan gang mkhư̆, bi hrŏ klei pui ƀơ̆ng, klei truh mơ̆ng pui kmlă.

Knơ̆ng bruă pui kmlă ăt bi mguôp hŏng bruă sang čư êa alŭ wăl mtrŭt mjhar mnuih ƀuôn sang koh druôm hĕ ana kyâo dlông mâo klei huĭ hyưt êbuh ti êlan klei pui, amâo mâo pla ana kyâo mtah ti gŭ êlan klei pui. Mbĭt anăn dhar bruă pui kmlă ăt mbha leh êbeh 1.000 pŏk hră hâo hưn kơ klei êđăp ênang pui kmlă hlăm mnuih ƀuôn sang. Mbĭt hŏg bruă hâo hưn, knơ̆ng bruă pui kmlă lŏ kñăm kơ bruă duh bi liê, mđĭ hnơ̆ng kdrăp pui kmlă, boh jing jing kdrăp bi hrŏ hnơ̆ng pui kmlă krĭng ƀuôn sang.

Pô mblang: Y-Ƀel Êban