Hlue si klei bi klă mơ̆ng knơ̆ng bruă lŏ hma leh anăn mđĭ kyar krĭng ƀuôn sang čar Dak Nông kơ bruă mkŏ wĭt klei ngă bruă răng kriê dliê dôk hlăm Anôk bruă kriê dlăng dliê kdriêk Dak Glŏng leh anăn ƀuôn prŏng Gia Nghiã dưi bi mguôp jing Anôk bruă dlăng kriê dliê mlir kdriêk Dak Glŏng – Gia Nghĩa.

Anôk bruă kriê dlăng dliê kdriêk Tuy Đức leh anăn kdriêk Dak R’Lâp dưi bi mguôp jing Anôk bruă dlăng kriê dliê mlir kdriêk Tuy Đức – Dak R’Lâp. Anôk bruă dlăng kriê dliê kdriêk Dak Song leh anăn kdriêk Dak Mĭl dưi bi mguôp jing Anôk bruă Anôk bruă dlăng kriê dliê mlir kdriêk Dak Song – Dak Mil. Anôk bruă kriê dlăng dliê kdriêk Krông Knô leh anăn kdriêk Čư̆ Jŭt dưi bi mguôp jing Anôk bruă dlăng kriê dliê mlir kdriêk Krông Knô = Čư̆ Jŭt. Hluê si klei hưn mơ̆ng bruă kriê dlăng dliê čar Dak Nông, 8 anôk bruă kriê dlăng dliê mơ̆ng 8 kdriêk, ƀuôn prŏng êlâo dih mâo 23 čô khua gĭt gai. Leh mkŏ dưi srăng lui hĕ 4 čô khua kiă kriê anôk bruă, 18 knuă druh dưi tiŏ nao, mkŏ wĭt, 1 čô knuă druh jih thŭn mă bruă.