VOV4.Êđê - Leh pŏk ngă dŭm hdră bruă pui kmlă, dŭm anôk bruă duh mkra ti Dak Nông ƀuăn rơ̆ng srăng đru mguôp ênoh hrui prŏng kơ prăk knŭk kna alŭ wăl. Khădah snăn, čar luič liê lu leh ênoh prăk knŭk kna ară anei knŏng mâo sa kdrêč điêt mkă hŏng hdră mĭn tĭng tal êlâo. Hlue si ênoh mrô mơ̆ng Knơ̆ng bruă Jia čar Dak Nông, 8 mlan êgao ênoh prăk jia mơ̆ng dŭm hdră bruă pui kmlă êran hŏng angĭn ti alŭ wăl mâo 18 êklai prăk, knŏng mâo 6% mkă hŏng ênoh êbeh 300 êklai prăk/thŭn mơ̆ng čar mĭn tĭng dưi mâo hlăk bi mklă 6 hdră bruă hŏng hnơ̆ng 430 MW hlăm wưng 2019-2021.

Hlak mblang mta phŭn anei, Knơ̆ng bruă ngăn prăk čar Dak Nông brei thâo, hlăm ênoh 6 hdră bruă pui kmlă êran hŏng angĭn pŏk ngă ti alŭ wăl, knŏng mâo sa hdră bruă mâo hnơ̆ng 50 MW hmao bi leh leh anăn mnia blei êlâo hruê 31/10/2021. Dŭm hdră bruă adôk amâo hmao rŭ mdơ̆ng, kă klei mkŏ. Bruă dŭm hdră bruă pui kmlă êmưt ngă bruă hmaĭ lu snăk kơ prăk knŭk kna hrui wĭt mơ̆ng čar mĭn tĭng./.

H’Nêč pô mblang