VOV4.Êđê- Hlue si Knơ̆ng bruă Pui kmlă Dak Nông, hlăm 6 mlan akŏ thŭnm kluôm čar mkiêt mkriêm 5,55 êklăk kWh pui kmlă. Boh tŭ anei jing kyua anôk bruă mđĭ ktang kleu hâo hưn mto mblang dŭm hdră msir ba yua pui kmlă êđăp ênang, mkiêt mkriêm, tŭ dưn. Ară anei PC Dak Nông dôk kriê dlăng, čhĭ pui kmklă kơ giăm 178 êbâo čô ba yua.

Êngao kơ bruă ngă jăk hdră kriê dlăng, ba yua kdrăp pui kmlă, anôk bruă mđĭ ktang bruă hâo hưn mtô mblang ktrâo lač kơ mnuih ƀuôn sang, anôk bruă duh mkra ksiêm dlăng, bi soh, rơ̆ng êlan klei pui leh anăn kdrăp mnơ̆ng pui kmlă rơ̆ng bruă ngă hơĭt kjăp, boh tŭ lu. Knơ̆ng bruă mtrŭt dŭm anôk bruă mđĭ ktang ba yua pui kmlă hlăm mmông yua ƀiă, ktuê dlăng hdră mkăp pui kmlă čiăng mkra mđĭ bruă ba yua pui kmlă hŏng hdră djŏ leh anăn mkiêt mkriêm. Bruă pui kmlă ăt mtrŭt phung yua čŏng duh bi liê kdrăp pui kmlă êran hŏng pil yang hruê dưm ti čuôr sang čiăng mkiêt mkriêm pui kmlă./.

Pô mblang: H’Zawut Ƀuôn Yă