VOV4.Êđê- Ti anăp klei ruă tưp Covid-19 dleh ktuê dlăng ti čar Dak Nông, Khua Knơ̆ng bruă sang čư̆ êa Hồ Văn Mươì gĭt gai dŭm dhar bruă, alŭ wăl ngă bruă jih ai tiê, mđĭ lar brua wklam pô djă akŏ hlăm hdră gang mkhư̆ klei ruă tưp mbĭt anăn hlue ngă hdră mđĭ kyar bruă duh mkra ala ƀuôn. Yap truh aguah 23/2, kluôm čar Dak Nông mâo 13.169 čô djŏ Covid-19. Hlăm anăn lu jing hlao leh klei ruă. Hlăm 2 hruê kăm giăm anei, boh klei ruă tưp ti Dak Nông dleh ktuê dlăng, ênoh mnuih ruă mrâo hlăm êpul êya đĭ nanao.

Hlăm klei bi kƀĭn online hŏng dŭm kdriêk, ƀuôn prŏng kơ bruă gang mkhư̆ klei ruă tưp, Hồ Văn Mươì, Khua Knơ̆ng bruă sang čư̆ êa čar Dak Nông bi mklă, hdră msir yuôm bhăn hĭn jing vaccin leh anăn 5 klei mtă. Khua Knơ̆ng bruă sang čư̆ êa čar Dak Nông mtă, hŏng hdră gang mkhư̆ Covid-19, Khua gĭt gai dŭm knơ̆ng, dhar bruă, alŭ wăl brei ngă jih tiê mđĭ kyar bruă duh mkra ala ƀuôn hlăm boh klei mrâo.

Pô mblang: H’Zawut Ƀuôn Yă