VOV4.Êđê- Aguah 6/7, hlăm Klei bi kƀĭn tal 8, Anôk dlăng bruă Đảng čar Dak Nông gưl XII, wưng 2020-2025, Anôk dlăng bruă Đảng čar hưn mdah leh Hdră mtrŭn mkŏ mjing Anôk bruă gĭt gai gang mkhư̆ klei ƀơ̆ng ngăn čar Dak Nông. Anôk bruă gĭt gai gang mkhư̆ klei ƀơ̆ng ngăn čar Dak Nông mâo 15 čô, mâo: 1 čô khua kiă kriê, 5 čô k’iăng khua kiă kriê leh anăn 9 čô đru bruă.

 Ngô Thanh Danh, Khua dlăng bruă Đảng čar, Khua Êpul bi ala bruă kƀĭn ala čar ngă Khua Êpul gĭt gai gang mkhư̆ klei ƀơ̆ng ngăn čar Dak Nông. Bruă klam, klei dưi, mkŏ mjing phung mă bruă, klei bhiăn mă bruă, klei bi hgŭm mă bruă mơ̆ng Anôk bruă gĭt gai gang mkhư̆ klei ƀơ̆ng ngăn čar hlue si Hdră kčah mơ̆ng Anôk bruă Đảng gưl dlông leh anăn hdră kčah mơ̆ng Anôk dlăng bruă Đảng čar./.

                                               Pô mblang: H’Zawut Ƀuôn Yă