VOV4.Êđê - Ya ngă 3 thŭn đrông, Dak Nông dôk hlăm êpul mâo puăng bi lông gưl 3 ala čar ƀiă êdi. Anei jing klei mâo hưn ti Anôk bi kƀĭn tal 4, Êpul gơ̆ng bruă ƀuôn sang čar Dak Nông gưl IV mkŏ mjing hlăm 2 hruê êgao. Klei bi lông gưl 3 thŭn 2022, Dak Nông mâo ênoh hđeh dưi hlăm klei bi lông mâo 96,7%; puăng kah knar 5,9; dôk tal 61/63 čar, ƀuôn prŏng kluôm ala.

Hlak mblang kơ klei anei, Nguyễn Văn Toàn, Khua anôk bruă sang hră m’ar mtô bi hriăm čar Dak Nông, mta phŭn jing kyua phung hđeh hriăm thâo ti čar ƀiă kyua anăn puăng kah knar bi lông ƀiă mơh. Lu phung hđeh mă leh học bạ čiăng bi mklă bruă bruă mŭt hriăm gưl prŏng, gưl krah, klei nao bi lông knŏng čiăng dưi bi mklă hriăm jih gưl 3. Hŏng alŭ wăl dleh dlan msĕ Dak Nông, Nguyễn Văn Toàn lač, dleh snăk dưi bi mlih mrô dôk mơ̆ng klei bi lông gưl 3 ti čar./.

H’ Nêč pô mblang