Klei bi lông hriăm jih gưl 3 thŭn anei čar Dak Nông mâo 7404 čô čih anăn bi lông, hlăm anăn, mâo 1771 čô jing mnuih djuê ƀiă. Kluôm čar mkŏ mjing 19 anôk bi lông hŏng 327 adŭ bi lông. Dŭm anôk bi lông dưi mkŏ mjing ti grăp kdriêk, ƀuôn prŏng rơ̆ng găl kơ phung hđeh bi lông, mkhư̆ jih hnơ̆ng bruă hđeh bi lông nao kbưi, rơ̆ng êđăp ênang kơ hđeh leh anăn găp djuê.

Phan Thanh Hải,  K’iăng Khua Knơ̆ng bruă sang hră mtô bi hriăm čar Dak Nông brei thâo, truh wưng anei, bruă mprăp kơ klei bi lông dưi bi leh. Hlăm boh klei ti dŭm alŭ wăl mâo klei dleh ktuê dlăng kơ klei êđăp ênang, bruă rơ̆ng êđăp ênang leh anăn gang mkhư̆ klei soh hlăm bruă yua kdrăp mrâo hlăm klei bi lông thŭn anei mâo čar Dak Nông mđing./.