Dak Nông: Pla 163 êbâo phŭn kyâo ƀri gưl Tết pla kyâo 2023
Thứ bảy, 00:00, 20/05/2023
VOV Tây Nguyên
VOV Tây Nguyên
VOV4.Êđê- Aguah 19/5, ti ƀuôn prŏng Gia Nghĩa (Dak Nông), Knơ̆ng bruă sang čư̆ čar mkŏ mjing Knăm pŏk ngă “Tết pla ana kyâo hdơr nanao kơ Awa Hồ” leh anăn pla dliê, pla ana kyâo thŭn 2023.
Mbĭt hŏng ƀuôn prŏng Gia Nghĩa, ti jih jang 7 kdriêk mơ̆ng čar Dak Nông, dŭm gưl, dŭm dhar bruă hŏng lu mnuih ƀuôn sang dŭm djuê ana ăt hgŭm pla kyâo thŭn anei. Mĭn tĭng, hlăm gưl anei, kluôm čar Dak Nông srăng pla 163 êbâo kyâo dŭm mta. Hjăn ti ƀuôn prŏng Gia Nghĩa, aguah 19.5, phung bi ala hŏng mnuih ƀuôn sang pla leh 1000 ana hngô riêng gah knưl N’Trang Lơng.
Hlăm knăm pŏk ngă, Lê Trọng Yên – K’iăng Khua Knơ̆ng bruă sang čư̆ êa čar Dak Nông iêô mthưr dŭm tĭng, dŭm dhar bruă hŏng jih jang dŭm djuê ana hlăm čar mđĭ klei thâo răng mgang wăl hdĭp mda, gĭr pla leh anăn răng mgang ana kyâo, răng mgang dliê./.
Viết bình luận