Tui si êpul hgŭm phung hriăm gưl prŏng Việt Nam čar Daklak kluôm čar ară anei mâo êbeh 12.500 čô hđeh, hlăm anăn mâo truh 3.800 čô phung hriăm jing mnuih djuê ƀiă ti 12 boh sang hră gưl prŏng, gưl krah čar.

Wưng anei, êpul hgŭm phung hriăm gưl prŏng čar hlăk dôk ngă jăk bruă êpul hgŭm phung hriăm gưl prŏng thŭn hriăm 2022-2023, ngă dŭm bruă hlăk ai ba anăp yan mdei prŏng, mprăp kơ klei bi lông Olympic Mác - Lênin “Mtrang mngač êlan klông” lehanăn gưl čar klei bi lông “Olympic klei Angle hđeh hriăm hră, gưl prŏng” tal 3, lehanăn mâo klei mdah “kdŏ kơ êa ksĭ” gưl tal 3, mdah klei kdŏ kơ êa ksĭ dơ̆ng mkŏ mjing. Klei anei mâo êpul hgŭm mđup brei truh 20 hnư prăk đru hriăm hră mơar, grăp hnư hŏng ênoh 2 êklăk prăk kơ phung hriăm gưl prŏng mnuih djuê ƀiă mŭt hlăm êpul hgŭm êdam êra./.