VOV4.Êđê - Tui si anôk bruă jia čar Daklak, khădah hmăi amâo mâo jăk mơ̆ngklei ruă tưp Covid 19 ƀiădah mơ̆ng akŏ thŭn truh kơ ară anei ngă bruă čuăn kơ klei tuh jia mơ̆ng dŭm êpul bruă, phung duh mkra jing kdlưn hĭn leh hŏng ênoh kčah. Mơ̆ng anăn, čar Daklak mơ̆ng akŏ thŭn 2022 truh kơ ară anei mâo rĭng leh êbeh 2 êbâo 840 êklai prăk djăp giăm 62% ênoh gưl dlông kčah jao, knar 122% mkă hŏng wưng anei thŭn dih.

Hlăm anăn mâo rĭng jia lu hĭn jing mơ̆ng dŭm anôk bruă duh mkra êngao knŭk kna đĭ êbeh 20%, jia asei êbeh 86%, prăk tăk hră mơar 42%, prăk tăk mnơ̆ng yua 6,5%, prăk ngăn dưn klei dưi mă mnơ̆ng hlăm gŭ lăn 8,4%; hrui prăk jia lăn giăm 15%. Bùi Văn Chuẩn, khua anôk bruă jia Daklak lač: Ba wĭt ngăn prăk kơ knŭk kna kyua klei duh mkra leh klei ruă tưp Covid 19.  Mbĭt hŏng anăn, Dhar bruă jia mđĭ hĭn bruă ksiêm klei rĭng jia amâo mâo ênŭm./.

Y=Khem pô mblang