VOV4.Êđê - Klei bi lông jih gưl 3 hlăk dơ̆ng truh, bruă sang hră mơar čar Daklak hlăk gĭr kơ sa klei bi lông êđăp ênang, lehanăn čiăng kơ jih jang hđeh hriăm hră mâo klei dleh dlan hlăm klei hdĭp ăt truh ênŭm hlăm klei bi lông; Thŭn anei Daklak mâo êbeh 20 êbâo 400 čô hđeh nao bi lông; hlăm anăn mâo êbeh 19 êbâo 500 čô hđeh hlăk dôk hriăm adŭ 12 phổ thông, lehanăn sang hră mjuăt bi hriăm nanao, dŭm adôk jing hđeh ngă hră mơar êngiê.

Čiăng mprăp êmiêt jăk kơ klei bi lông anei čar srăng mkŏ mjing truh 32 anôk bi lông klă klơ̆ng, hŏng 869 boh adŭ bi lông ti dŭm boh sang hră hlăm 15 boh kdriêk, wăl krah, ƀuôn prŏng. Dlăng tui si klei bi mlih mơ̆ng grăp blư̆ bi lông, snăn klei bi lông thŭn anei knơ̆ng bruă sang hră mơar bi leh jăk djŏ hŏng hdră kčah klei lŏ bi hdơr klei hriăm kơ hđeh. Mbĭt hŏng anăn hgŭm hŏng jih jang bruă mjuăt bi hriăm mâo hdră đru kơ hđeh bi hdơr klei hriăm, boh nik hŏng hđeh dôk hlăm klei dleh dlan./.

Y-Khem pô mblang