VOV4.Êđê - Tlam mbrue (6/10), knơ̆ng bruă sang čư̆ êa čar Daklak mkŏ mjing leh klei bi kƀĭn hŏng dŭm knơ̆ng dhar bruă êpul êya, lehanăn alŭ wăl djŏ tuôm čiăng pral mâo mkra mjing êlan dơ̆ng pral Ƀuôn Ama Thuôt –Khánh Hoà. Êlan anei mâo boh taih truh 117,5km, hŏng ênoh duh bi liê giăm 22 êbâo êklai prăk. Hlăm anăn, kdrêč hlăm čar Daklak hlăm brô 85km, tal êlâo čiăng mbĕanôk dôk kơ phung ƀuôn sang djŏ hlăm anôk mkra êlan dơ̆ng kơ êbeh 300 gŏ êsei.

Ti anôk bi kƀĭn, Khua kiă kriê knơ̆ng bruă sang čư̆ êa čar Daklak jao leh kơ dŭm knơ̆ng dhar bruă djŏ tuôm, lehanăn 3 kdriêk mâo êlan dơ̆ng anei găn djŏ, ngă dŭm bruă djŏ hlăm klei ruh mgaih, mkŏ wĭt anôk dôk kơ phung ƀuôn sang, răng kriê wăl hdĭp mda dliê kmrơ̆ng, ruah pô mkra êlan, bi mlih lăn dliê, mbĕ êlan klei pui kmlă. Tal êlâo hĭn, jing mkra bi leh hră hâo mdah êlâo kơ hrue 12/11 kơ anăp, leh kơ anăn srăng rŭ mkra êlâo kơ hrue 30/6/2023, tĭng srăng bi leh hlăm thŭn 2026, lehanăn srăng dưi ba yua hlăm thŭn 2027./.

VOVTâyNguyên/ Pô mblang: Y-Khem Niê