Tui si hdră mtrŭn, hnơ̆ng klei duh bi liê mơ̆ng ngăn prăk alŭ wăl hrŏ mơ̆ng 7.201 êklai prăk trŭn adôk êbeh 6.686 êklai prăk, jing hrŏ êbeh 515 êklai prăk. Klei hrŏ lu jing prăk hrui mơ̆ng klei djă yua lăn, mdei jih jang bruă bi liê kơ lăn ala hlăm thŭn  2025 lehanăn khăt bi hrŏ jih jang bruă amâo mâo prăk kăk.

Čar lŏ mkŏ wĭt hdră mă bruă, lŏ wĭt tĭng mkă ngăn prăk bi liê êbeh 167 êklai prăk hŏng dŭm mta bruă leh čoh čuăn kơ klei tĭng mkă, bruă dơ̆ng bi leh, lehanăn hŏng dŭm mta bruă pioh kơ klei mđĭ kyar. Cao Thị Hòa An, Khua êpul dơ̆ng bruă ƀuôns ang čar Daklak mtă kơ knơ̆ng bruă sang čư̆ êa čar lehanăn dŭm êpul bruă djŏ tuôm pral bi leh jih jang bruă, rơ̆ng bi djŏ hŏng ngăn prăk bi liê, mă bruă mâo klei tŭ jing, mjing klei đĭ kyar kjăp hlăm alŭ wăl thŭn 2025 djŏ hŏng ênoh čuăn mơ̆ng gưl dlông jao, lehanăn mtă kơ dŭm anôk bruă dôk hlue ngă klei duh bi liê mơ̆ng knŭk kna, nao mđrĭng hŏng bruă klam hlăm pô djă akŏ, bi năng hŏng ngăn prăk knŭk kna duh bi liê./.