Thŭn 2022, ênoh mâo ba wĭt ngăn prăk kơ čar êbeh 8.900 êklai prăk, djăp êbeh 141% ênoh gưl dlông jao, 119% ênoh mơ̆ng êpul gơ̆ng bruă ƀuôn sang čar jao, đĭ hĭn êbeh 30% mkă hŏng wưng anei thŭn 2021. Hlăm anăn hrui jiă lehanăn prăk tăk êbeh 5.800 êklai prăk, jing êbeh 127% mkă hŏng ênoh gưl dlông jao, lehanăn đĭ hĭn 15% mkă hŏng ênoh êpul gơ̆ng bruă ƀuôn sang čar jao.

Dưi mâo hĕ boh tŭ dưn anei, êngao kơ anôk bruă jiă gĭt jih hnơ̆ng, lŏ mâo klei đru mguôp prŏng mơ̆ng dŭm êpul bruă lehanăn mnuih ngă bruă čuăn tuh jia. Hlăm 235 êpul bruă lehanăn mnuih jing kdlưn hĭn, mâo leh phŭn bruă ngăn prăk, knơ̆ng bruă sang čư̆ êa čar, Knơ̆ng kiă kriê bruă jia, lehanăn knơ̆ng bruă jia čar Daklak bi mni jing êpul hgŭm lehanăn mnuih mâo klei đru prŏng êdi./.