Daklak: Bi mni kơ mnuih amâo mâo jăk asei mlei jing kdlưn hĭn
Thứ tư, 08:09, 19/04/2023
VOV Tây Nguyên
VOV Tây Nguyên
VOV4.Êđê- Hrue mbrue 18/4, Êpul hgŭm bruă đru ba phung amâo mâo jăk asei mlei lehanăn răng mgang klei dưi kơ phung hđeh čar Daklak mkŏ mjing leh bruă mpŭ mni kơ phung amâo mâo jăk asei mlei mâo leh bruă kdlưn hĭn hlăm čar gưl 1, thŭn 2023.
Ti anôk bi kƀĭn mâo leh 16 čô mnuih amâo mâo jăk asei mlei, lehanăn 16 čô hđeh êrĭt êrin amĭ ama jing mnuih mâo leh dŭm bruă kdlưn hĭn, mâo anôk bruă anei bi mni kyua hŏng dŭm klei thâo gĭr hlăm klei hdĭp mda pô.
Wưng anei Êpul hgŭm bruă đru ba mnuih amâo mâo jăk asei mlei Việt Nam mđup brei hră bi mni kơ 5 êpul, 1 čô mnuih mâo klei kdlưn hĭn hlăm bruă đru ba mnuih amâo mâo jăk asei mlei lehanăn hđeh êrĭt êrin hlăm čar Daklak thŭn 2020 - 2023. Knơ̆ng bruă Xổ số kiến thiết Đắk Lắk mđup brei truh 18 hnư đru hriăm hră mơar hŏng ênoh (2 êklăk prăk/hnư) kơ hđeh êrĭt êrin lehanăn hđeh amâo mâo jăk asei mlei./.
Viết bình luận