VOV4.Êđê- Anôk duah bruă mă ti čar Daklak brei thâo, klei ruă tưp Covid 19 dưi mkhư̆ leh, mâo lŏ mjing lu bruă knuă mă kơ mnuih ngă bruă hlăm čar. 9 mlan êgao, dưi mâo duah brei leh bruă knuă mă kơ giăm 6 êbâo 500 čô mnuih. Mnuih mâo bruă knuă leh mâo hdră êlan hưn mthâo bruă knuă jing truh 2 êbâo 166 čô mnuih hlăm čar. 799 čô mnuih mă bruă ti êngao čar, lehanăn 85 čô mnuih nao mă bruă kơ ala tač êngao.

Nguyễn Văn Cường, k'iăng khua anôk duah brei bruă knuă mă čar Daklak, lač hlăm 3 mlan knhal jih thŭn, srăng lŏ kčĕ đru brei bruă knuă mă kơ êbeh 2 êbâo 600 čô mnuih, hưn mthâo brei kơ 1 êbâo 200 čô mnuih. Čiăng dưi bi leh ênoh čuăn anei, mbĭt hŏng klei hâo hưn kơ klei duah bruă knuă mă hlăm website lehanăn hlak pŏk yang ƀuôn, anôk bruă anei srăng ngă kjăp hĭn klei kčĕ kơ bruă truh hlăm alŭ wăl nah gŭ./.

Pô mblang: Y-Khem Niê