VOV4.Êđê - Ƀri wưng Tết nguyên đán Nhâm Dần 2022, knơ̆ng bruă sang čư̆ êa čar Daklak kah leh êbeh 49 êklai 500 êklăk prăk nao čuă, mđup brei mnơ̆ng kơ dŭm êpul êya, lehanăn mnuih, đĭ hĭng truh giăm 7 êklai prăk mkă hŏng thŭn dih. Hlue anăn, ênoh prăk mđup brei kơ grăp čô mnuih jing 300 êbâo prăk/čô, kơ phung knŭk kna dlăng ba, mnuih mâo bruă tŭ dưn hŏng lăn čar jing 400 êbâo prăk/čô, mđup brei kơ dŭm gŏ êsei knŭk kna dlăng ba jing 500 êbâo prăk/čô mnuih.

Prăk đru kơ phung dưi dưn ênoh đru hlăm grăp mlan jing 1 êklăk 300 êbâo prăk/čô. Mbĭt hŏng anăn, knơ̆ng bruă sang čư̆ êa čar mđup brei Tết mơ̆ng 2 êklăk 500 êbâo prăk truh 6 êklăk 500 êbâo prăk kơ 407 êpul êya mâo: Anôk bruă lĭng kahan, kahan ksiêm, kahan răng mgang knông lăn, dŭm êpul êya mă bruă hlăm čar, lehanăn êpul bruă mơ̆ng êngao čar./.

Y-Khem pô mblang