VOV4.Êđê- Ti ƀuôn prŏng Ƀuôn Ama Thuôt, bruă êdam êra čar Daklak mkŏ mjing leh hrue phung êdam êra mnuih ngă bruă lehanăn bruă ngă thŭn 2022. Knăm anei mâo leh êbeh 1 êbâo čô êdam êra mơ̆ng dŭm alŭ wăl nao hgŭm. Hlăm hdră mâo phung êdam êra hmư̆ klei hưn mthâo kơ bruă knuă, kčĕ đru kơ klei duah bruă, ktrâo atăt hdră duah bruă.

Hŏng giăm 300 anôk ngă bruă mơ̆ng 18 phung duh mkra hlăm čar lehanăn mơ̆ng êngao čar hriê kčĕ đru čiăng hrŏng duah mnuih ngă bruă. Ƀri wưng anei, bruă êdam êra čar Daklak mđup brei truh 50 hnư mnơ̆ng hŏng ênoh êbeh 15 êklăk prăk hŏng phung êdam êra mâo klei hdĭp dleh dlan./.

Pô mblang: Y-Khem Niê