VOV4.Êđê- Tlam mbrue (19/7), Knơ̆ng bruă sang čư̆ êa kdriêk Krông Pač, čar Daklak mkŏ mjing leh klei bi kƀĭn hŏng phung ngă bruă klei mrâo hưn mthâo kơ hdră “Mkŏ mjing knăm mơak boh durian kdriêk krông Pač” tal êlâo thŭn 2022, kñăm mđĭ klei hing ang mơ̆ng boh anei. Hŏng akŏ “Mđĭ klei tŭ dưn boh durian Krông Pač srăng mkŏ mjing mơ̆ng hrue 1/9 truh 3/9/2022. Hŏng jih jang bruă ngă msĕ si iêo jak phung duh bi liê, pl amjing kjăp ti kdriêk krông Pač, knăm ruĕ hlăm êlan, bi lông kưt mmuiñ, lehanăn tông čing čhar.

Nao hiu čhưn ti knhuah gru blôk CaDa, ruah đang boh durian siam jing doh hŏng wăl hdĭp mda, lehanăn lông ƀơ̆ng boh durian hlăm đang mtam, klei rang mdah hưn mthâo mnơ̆ng OCOP... jing kdriêk mâo đang boh durian 1/4 đang boh anei hlăm čar Daklak, jing leh bruă phŭn đru ba wĭt ngăn prăk kơ phung pla mjing, lehañ mđĭ kyar bruă duh mkra hlăm alŭ wăl. Knăm anei mâo mkŏ mjing kñăm bi hing klei tŭ dưn mơ̆ng ana boh anei, hưn mthâo, lehanăn tui duah klei duh bi liê kjăp hĭn, mđrăm mbĭt hŏng bruă mđĭ kyar klei hiu čhưn ênguê, dhar kreh ti alŭ wăl, lehanăn bi lar bruă mnia mblei boh anei hlăm ala čar, lehanăn tar rŏng lăn./.

Pô mblang: Y-Khem Niê