VOV4.Êđê - Aguah mbrue (8/4), Adŭ bruă sang hră mơar wăl krah Ƀuôn Hô, čar Daklak bi klă, hlăm alŭ wăl mâo sa čô hđeh adŭ 8 čih hĕ hra hưn lehanăn ngă klei ruôt kkuê mdjiê asei. Gơ̆ jing B.Đ.K adŭ 8A2, sang hră gưl 2 Ngô Mây. Găp djuê duah ƀuh hră gơ̆ čih kyua klei hdĭp ktrŏ đei klei mĭn. Êlâo anăn, tui si sang hră gưl dua Ngô Mây hưn hrue 6/4 adŭ 8 A2 amâo mâo mmông hriăm online ôh. Êjai gơ̆ dôk hlăp game tuôm hĕ hŏng amĭ ăl. leh jih jang mnuih bi nao pĕ tiu hlăm war, truh hlăm brô 9h amâo mâo ƀuh adei K kbiă nao snăn tui duah ƀuh gơ̆ ruôt kkuê leh, mnuih hlăm sang dŏng mtlaih ba mdrao ƀiădah amâo lŏ hdĭp ôh. leh mâo klei anei, kahan ksiêm wăl krah Ƀuôn Hô nao bi klă boh klei. Tui si sang hră lač K jing hđeh hriăm hră mâo klei kriăng. Hriăm gưl 1 thŭn 2021 - 2022, ñu hriăm kdlưn mơh, mâo knhuah jăk. Ama gơ̆ djiê leh snăn hdĭp hŏng amĭ./.

Y-Khem pô mblang