VOV4.Êđê- Tlam mbrue (/9), êpul ngă bruă mơ̆ng Êpul khua kiă kriê gưl dlông ksiêm wĭt 10 thŭn hlue ngă hdră mtrŭn mrô 09/2011 mơ̆ng phŭn bruă kđi čar, kơ klei mkŏ mjing lehanăn mđĭ hĭn bruă klam mơ̆ng phung duh mkra Việt Nam hlăm ênuk mđĭ kyar ktang bruă tuh tia mkra mjing, ênuk mrâo mrang, lehanăn ñŭ kma hŏng ala tač êngao, mâo leh mmông ngă bruă hŏng čar Daklak kơ bruă hlue ngă hdră mtrŭn mrô 09 hlăm čar. Daklak ară anei mâo leh êbeh 11 êbâo 100 phung duh mkra hlăk dôk ngă bruă hŏng ênoh prăk jih jang êbeh 84 êbâo êklai prăk hlăm hră mơar, đĭ leh 2,7 ƀlư̆ mkă kơ ênoh, lehanăn 2,1 blư̆ hlăm ênoh prăk bi liê mơ̆ng sa knơ̆ng bruă hlăk thŭn 2011.

Ti anôk ngă bruă, čar Daklak mtă kơ dŭm phŭn dhar bruă bi ksiêm dlăng mâo hdră akâo đru, mđĭ klei bi ktưn hlăm phung duh mkra, boh nik kơ phung duh mkra dôk hlăm krĭng mâo klei dleh dlan. Čih pioh jih jang klei čar akâo, Đỗ Ngọc An, k’iăng khua anôk bruă duh mkra gưl dlông, lač, Daklak bi mkŏ mjing êpul phung duh mkra, mđĭ kyar bruă knuă hlăm dŭm bruă mâo klei găl hlăm čar./.

Pô mblang: Y-Khem Niê