Ti Anôk bi kƀĭn, phung bi ala bi lar dŭm mta bruă kơ klei knŭk kna kiă kriê hŏng ala tač êngao, mđing mđĭ kyar bruă duh mkra hlăm knông lăn, Hdră bhiăn kahan răng mgang knông lăn Việt Nam lehanăn dŭm hră mơar kơ klei bhiăn čoh čuăn kơ kdriêl knông lăn lehanăn klei dưi êngiê kơ lăn čar.

Nguyễn Quốc Hiệp, K’iăng khua knơ̆ng bruă dhar kreh, mjuăt asei mlei lehanăn hiu čhưn ênguê čar daklak brei thâo, klei bi kƀĭn mđing mjuăt bi hriăm kơ dŭm bruă srăng ngă hlăm jih 4 boh ƀuôn hgŭm ti knông lăn mâo Ia Lốp, Ia Rvê, Ea Bung lehanăn Buôn Đôn, kñăm tŭ jing hĭn bruă hâo hưn hŏng ala tač êngao, mkŏ mjing hdră êlan răng mgang knông lăn mđrăm mbĭt hŏng mnuih ƀuôn sang, mjing klei duh mkra ala ƀuôn kjăp, lehanăn bi kjăp klei thâo bi mguôp hlăm mnuih ƀuôn sang ti alŭ wăl knông lăn čar daklak./.