Bruă pui kmlă čar Daklak hlak dôk kiă krie lehanăn bi êran êbeh 10.000km êlan klei pui kmlă, lehanăn êbeh 6.700 anôk mđĭ mtrŭn pui kơ giăm 610.000 phung blei yua pui. Tinăp yan hjan angĭn êbŭ, dŭm êpul êya bruă, hlăm knơ̆ng bruă pui kmlă čar Daklak lŏ dơ̆ng mkra wĭt, bi kjăp jih jang êlan klei pui kmlă, lehanăn mkŏ mjing hdră êlan mkăp pui bi djăp, rơ̆ng mâo klei êđăo ênang sĭt pui kmlă hlăm dŭm wưng kơ nanăp, lehanăn mghaih msirr bi pral mơh tơdah mâo klei amâo mâo jăk truh.

Bruă ksiêm dlăng jih jang êlan klei pui kmlă ngă jêñ jêñ, boh nik hlăm wưng dôk găn klei hlĭm hjan, lehanăn mkŏ mjing êpul hiu mkra wĭt hŏng klei pral (hotline) jih jang êlan klei pui kmlă bi hrŏ tuč hnơ̆ng klei jhat êlan klei pui kmlă. Hlăm 2 mlan leh êgao, êpul hiu mkra mjêč Hotline 2 mâo ngă leh truh 72 anôk bruă pui kmlă jhat, lu jing nao mkra êjai mlam, rơ̆ng lŏ wĭt mkăp pui kmlă hŏng klei pral, êđăp ênang kơ mnuih yua pui pioh kơ bruă duh mkra lehanăn hdĭp mda./.