Tui si klei hâo mdah mơ̆ng knơ̆ng bruă sang čư̆ êa čar Daklak yap truh jih mlan 3, ênoh klei ngă hră mơar djăp ênoh čuăn hlăm čar jing 1.572 mta. Mbah ngă bruă mơ̆ng knŭk kna čar mâo mkŏ leh hŏng mbah ngă bruă ala čar. Hlăk dôk pŏk lehanăn dôk ngă nanao hră mơar hlue hŏng hdră ba yua kdrăp mă bruă mrâo mrang, hlue ngă klei ngă bruă sa ƀăng bhă, dưi mkŏ hlăm sa hdră êlan.

Hnơ̆ng ênoh hră mơar mâo ngă hlăm čar thŭn  2022 mâo mghaih msir djŏ wưng kčah jing êbeh 89%, gưl kdriêk jing 98,7%, gưl să jing 99,9%. Blŭ hrăm ti anôk ngă bruă, Nguyễn Duy Hoàng - K'iăng khua anôk bruă ksiêm dlăng klei kơ hră mơar mtă: Daklak lŏ dơ̆ng ksiêm wĭt, mlih mrâo hdră mă bruă, ti anôk bruă ngă hră mơar čar kñăm bi djŏ sa hnơ̆ng hlăm klei ngă hră mơar hlue hdră mrô bi kjăp hlăm klei tŭ mă hră mơar lehanăn bi leh bruă ngă hră mơar./.