Daklak mđĭ hĭn bruă răng mgang dliê Ƀuôn Ja Wầm leh lu wưng găn klei bi rai dliê
Thứ sáu, 10:23, 10/11/2023
VOV Tây Nguyên
VOV Tây Nguyên
VOV4.Êđê - Msĕ si sang mđung asăp blŭ Việt Nam hưn leh, dliê mơ̆ng knơ̆ng bruă dliê kyâo Buôn Ja Wầm (kdriêk Cư M’Gar, čar Dak Lak) hlăm wưng giăm anei tuôm hŏng klei bi rai kjham êdi, ngă kơ ênha dliê rai prŏng. Dhar bruă djŏ tuôm čar Daklak hlăk jih ai tiê mghaih msir gang mkhư̆ klei anei.
Tui si anôk bruă kiă kriê dliê kyâo čar Daklak yap mơ̆ng akŏ thŭn 2020 truh ară anei, hlăm čuê dliê Buôn Ja Wầm mâo êbeh 500 klei bi rai dliê, bi ksĭng mmiă lăn dliê jing prŏng êdi truh 360ha. Nguyễn Quốc Hưng, Khua kiă kriê knơ̆ng bruă dliê kyâo čar Daklak lač, đang dliê kyâo Ƀuôn Ja Wầm amâo mâo djăp ôh êpul răng mgang dliê. Boh mơ̆ng klei bi rai dliê jing prŏng êdi, ngă kơ ênhă dliê luič rai prŏng.
Hlăm ênoh 8.800ha knơ̆ng bruă kiă kriê, ară anei knŏng adôk mă hlăm brô 3.000ha lu jing knŏng dliê tŭl. Anôk bruă hlăk dôk lŏ mđĭ êpul ngă bruă, bi mguôp hŏng anôk bruă dliê kyâo kdriêk Čư̆ Mgar bi hgŭm hŏng dŭm alŭ wăl pô dliê gang mkhư̆ klei bi rai dliê tinei./.
Viết bình luận