VOV4.Êđê - Ƀri bi hdơr hrue mkŏ mjing lăn čar hrue 2/9, Êpul hgŭm phung ngă bruă klei mrâo čar Daklak mkŏ mjing leh klei mđup brei dua boh dsang bi đru kơ gŏ êsei ƀun ti kdriêk Mdrak.

Hluê anăn, dŭm êpul êya mđup brei leh sang kơ amai H’Ƀiêr Ƀuôn Yă, jing sa čô amĭ rông anak hjăn ti ƀuôn Êa lai, să krông Jing, lehanăn mđup brei sang kơ Lê Đức Tường gŏ êsei ƀun ti alŭ mrô 3, să Êa Hmlei, grăp boh sang prŏng giăm 80m², hŏng ênoh mdơ̆ng êbeh 100 êklăk prăk; hlăm anăn mâo knơ̆ng bruă pui kmlă Daklak đru truh 50 êklăk prăk, dŭm adôk jing Êpul hgŭm phung ngă bruă klei mrâo Daklak, bruă sang čư̆ êa alŭ wăl, lehanăn găp djuê bi mguôp. Leh giăm 4 thŭn dôk mdơ̆ng, sang dưi bi leh, lehanăn ba jao djŏ hlăm wưng bi hdơr hrue mkŏ mjing lăn čar 2/9 thŭn anei. Wĭt dôk kơ sang mrâo, amai H’Ƀiêr, lač: Kyua mâo prăk mơ̆ng mặt trận, lehanăn phung thâo bi đru, mâo đru leh kơ gŏ sang kâo mâo hĕ sa boh sang kjăp siam. Mơ̆ng ară anei, gŏ sang kâo gĭt ktir duh ƀơ̆ng čiăng mâo prăk kăk hlăm grăp hrue, duh mĭn kơ klei hdĭp lu hĭn”./.

Y-Khem pô mblang