VOV4.Êđê- Sang hră gưl krah tuh tia mnia mblei Việt Nam dôk hlăm Phŭn bruă mnuih ngă bruă phung knap mñai, mâo anôk ngă bruă mjuăt bi hriăm ti čar Daklak mkŏ mjing leh knăm mđup brei prăk đru hriăm kơ hdeh ƀun gĭt hgao klei dleh dlan, kuôl kă bruă mjuăt bi hriăm bi djăp mnuih pioh ngă bruă, lehanăn mprăp kdrăp lông bi hriăm, mâo dŭm anôk duh mkra đru. 37 hnư đru prăk hriăm hră mơar grăp hnư hŏng ênoh mơ̆ng 1 truh 1 êklăk mkrah mâo phung thâo bi đru kah kơ hđeh ƀun gĭr hgao klei dleh dlan, hơĭt ai tiê hriăm mjuăt.

Ti knăm anei, Tô Viết Tài, k’iăng khua sang hră Gưl Krah Tuh tia mnia mblei Việt Nam, klam kiă kriê anôk mjuăt bi hriăm ti čar Daklak lač: Mâo hdră mjuăt bi hriăm anei bi mguôp hŏng phung duh mkra čiăng duah brei bruă knuă mă kơ hđeh êdam êra, hđeh hriăm bruă leh jih ruĕ hriăm maoa bruă knuă mă hŏng prăk mlan hơĭt. Kyuanăn, jih jang bruă mjuăt bi hriăm dưi ruah jing djŏ guôp hŏng klei dôk čiăng kơ bruă ti alŭ wăl./.

Pô mblang: Y-Khem Niê