VOV4.Êđê - Kñăm mprăp klei thâo săng kơ phung ƀuôn sang ba yua pui kmlă hŏng klei êđăp ênang, tŭ dưn, lehanăn ñĕ kơ klei amâo mâo jăk truh hŏng pui kmlă, čar Daklak mrâo mkŏ mjing leh klei mjuăt bi hriăm êđăp ênang pui kmlă kơ dŭm gŏ sang mnuih djuê ƀiă hlăm alŭ wăl, dôk hlăm hdră dhiang ba pui kmlă 110Kv. Anei jing bruă dôk hlăm hdră mđĭ kyar mnuih djuê ƀiă ti dŭm ƀuôn prŏng ba yua ngăn prăk ODA mơ̆ng knŭk kna Alemăng đru.

Ti čar Daklak, nao hlăm klei mjuăt hriăm anei mâo phung ƀuôn sang ti dŭm boh să Drai Săp, kdriêk Krông Ana, să Hoà Phú, ƀuôn prŏng Ƀuôn Ama Thuôt, lehanăn să Êa Hô, Dliê Ya, kdriêk krông Hnang. Hlue anăn, phung knuă druh bruă pui kmlă mâo klei mjut bi hriăm, ktrâo atăt phung ƀuôn sang kơ klei ba yua pui kmlă hŏng klei êđăp ênang, mkiêt mkriêm, tŭ dưn lehanăn kơ jih bruă răng mgang, ñĕ đuĕ kơ klei amâo mâo jăk truh mơ̆ng pui kmlă, lehanăn djăp mta klei thâo săng mkăn kơ klei êđăp ênang êlan klei pui kmlă prŏng./.

Y-Khem pô mblang