Klei bi lông jih gưl 3, thŭn 2023 srăng mkŏ mjing mơ̆ng 27 - 29/6/2023. Thŭn anei, Daklak mâo êbeh 21.100 čô phung hđeh ngă hră mơar nao bi lông, hlăm anăn mâo truh êbeh 610 čô hđeh ngă hră mơar êngiê. Čar Daklak lŏ dơ̆ng pŏk truh 32 anôk bi lông hŏng 886 adŭ bi lông hlăm 15 kdriêk, wăl krah, ƀuôn prŏng.

Ti anôk bi kƀĭn mprăp kơ klei bi lông thŭn 2023, hrue mbrue (22/5), Êpul bruă kiă kriê klei bi lông jih gưl 3, čar Daklak gĭt gai leh dŭm knơ̆ng dhar bruă, alŭ wăl mprăp djăp ênŭm kơ jih bruă hđeh bi lông jih gưl 3, boh nik hŏng phung hđeh krĭng taih kbưi pral păn kjăp jih jang boh klei kơ klei bi lông. Blŭ hrăm ti anôk bi kƀĭn, H’Yim Kđoh – K’iăng khua knơ̆ng bruă sang čư̆ êa čar Daklak, khua êpul kiă kriê klei bi lông čar mta kơ dŭm knơ̆ng dhar bruă alŭ wăl, mđing bi hgŭm ngă klei bi lôn ghŏng klei tŭ dưn.