VOV4.Êđê- Dŭm êpul êya bruă pui kmlă Daklak dôk ngă bruă, ktưn bi leh hlăm mlan 8 anei êbeh 70km êlan klei kap dăng kông dăng hlue gơ̆ng pui. Hdră anei ngă mơ̆ng ară anei truh kơ thŭn 2025, anôk bruă pui kmlă Daklak srăng mkra wĭt giăm 319 km êlan klei kap dăng kông dhiang mbĭt hŏng gơ̆ng pui hlăm dŭm alŭ wăl ƀuôn prŏng hlăm čar.

Mơ̆ng anăn, dhar bruă pui kmlă srăng lui jih dŭm kdrêč klei kap tloh leh amâo lŏ yua ôh dôk din hlăm gơ̆ng pui, kă hĕ bi khuăt dŭm aruăt klei mkăp, lŏ bi ktang aruăt klei djŭng kơ gŭ lăn ngă luič klei êđăp ênang. lehanăn anôk bruă pui kmlă Daklak ăt mtă mơh kơ dŭm êpul êya bruă hrui mă hĕ jih klei hđăp amâo lŏ yua, mbĕ mđuĕ thâo dah lui hĕ dŭm gơ̆ng klei kap amâo mâo tŭ ngă luič klei jăk siam kơ ƀuôn prŏng./.

Pô mblang: Y-Khem Niê