Tlam mmăt mbrue (20/10), Êpul hgŭm bruă phung mniê duh mkra čar Daklak mkŏ mjing leh klei bi tuôm ƀô̆ mta ƀri bi hdơr 95 thŭn hrue mkŏ mjing Êpul hgŭm bruă mniê Việt Nam (20/10/1930 – 20/10/2025) lehanăn Êpul hgŭm phung duh mkra mniê kƀăt siam tal 3 hŏng akŏ “Mpŭ kơ phung mniê hlăm ênuk kpưn đĭ”. Ti anôk bi tuôm, Êpul mkŏ mjing mâo leh klei mpŭ mni, mđup brei hră bi mni kơ êpul lu lehanăn mnuih jing kdlưn hĭn, mđup brei hră tŭ yap mnuih mâo lŏ mŭt hlăm êpul, lehanăn mkŏ mjing klei bi lông “mniê duh mkra kƀăt siam” hŏng dŭm klei bi lông ao dai, klei thâo blŭ tlao, lehanăn mdah klei kdŏ muiñ.

Blŭ hrăm hlăm hdră anei, Y Giang Gry Niê Knơ̆ng, K’iăng khua bruă Đảng čar, Khua bruă Mặt trận čar Daklak bi ala kơ bruă Đảng čar čih pioh, lehanăn mâo klei blŭ bi mni dŭm klei đru mguôp leh mơ̆ng phung duh mkra mniê hlăm klei mđĭ kyar bruă duh mkra hlăm čar. Lehanăn čang hmăng kơ phung duh mkra mniê lŏ dơ̆ng mđĭ hĭn boh tŭ dưn bruă pô mâo leh, mlih mrâo hŏng klei mbruă, bi klă bruă klam mơ̆ng pô, hlăm ênuk ñŭ kma, lehanăn bi mlih mrô./.