VOV4.Êđê- Tui si Êpul bruă kiă kriê klei myơr êrah čar Daklak, hlăm wưng êlâo, hlăm lehanăn êdei kơ Tết nguyên đán Nhâm Dần 2022, sang êa drao prŏng krĭng Lăn Dap Kngư mbĭt hŏng lu boh sang êa drao hlăm čar dôk čiăng kơ sa ênoh truh 2 êbâo ênoh êrah doh pioh dŏng mdrao mnuih ruă.

Hŏng anăn: “Klei myơr sa aruăt êrah - Lŏ ba wĭt sa klei hdĭp”, hdră “knăm kjuh hrah” tal 9 thŭn 2022, mơ̆ng Êpul kiă kriê bruă myơr êrah mkŏ mjing mơ̆ng hrue 8/1 truh ară anei dưi mâo leh êbeh 3 êbâo 500 čô mnuih nao myơr êrah, lehanăn dưi mâo mă truh giăm 3 êbâo ênoh êrah doh, dưi ba jao leh kơ anôk bruă ksiêm duah kơ êrah gưl dlông lehanăn dŭm boh sang êa drao pioh kơ bruă mdrao mgŭn. Ti dŭm anôk myơr êrah jih jang mnuih bi hlue ngă djŏ klei bhiăn gang mkhư̆ klei ruă tưp Covid 19./.

Pô mblang: Y-Khem Niê