Klei bi lông phung mniê krĭgn ƀuôn sang rŭ mjing bruă knuă hŏng klei mlih mrâo knhêč, dôk hlăm hdră êlan “Bi đru kơ phung mniê rŭ mjing bruă knuă” thŭn  2025 mâo êpul hgŭm bruă mniê čar Daklak mkŏ mjing mơ̆ng akŏ mlan 9 thŭn anei, mâo leh dŭm pluh mta bruă mâo bi êdah mơ̆ng dŭm gưl phung mniê, phung duh mkra, êpul hgŭm bruă lehanăn phung mniê hlăm kluôm čar nao bi lông.

Tui si êpul mkŏ mjing ksiêm bi mklă, jih jang dŭm mta bruă mâo bi hmô dưi mkŏ mjing djŏ hŏng hdră êlan, bi êdah hlăm anăn hŏng klei mbruă, mơ̆ng phung mniê krĭng ƀuôn sang rŭ mjing bruă knuă. Leh ksiêm dlăng gưl tal êlâo, êpul mkŏ mjing ruah mâo 18 jing kdlưn hĭn nao hlăm klei bi lông knhal tuič. Tinei, phung bi lông srăng mblang, bi mngač hdră êlan pô mă bruă, klei dưi găl hlăm klei duh mkra mnia mblei, kơ hnơ̆ng ênoh đĭ kyar, mbĭt hŏng klei hmăi jăk hlăm klei duh mkra ala ƀuôn mơ̆ng bruă pô./.