Anei jing klei bi kƀĭn kreh mkŏ mjing hlăm krah thŭn, pioh ksiêm dlăng bruă hlue ngă hdră mtrŭn mơ̆ng Êpul gơ̆ng bruă ƀuôn sang čar kơ bruă mđĭ kyar klei duh mkra ala ƀuôn 6 mlan akŏ thŭn, lehanăn ngă bruă kơ 6 mlan knhal jih thŭn. Hâo mdah ti anôk bi kƀĭn, hlăm 6 mlan akŏ thŭn, klei duh mkra ala ƀuôn čar Daklak ăt hơĭt.

Ênoh tŭ dưn mnơ̆ng dơ̆ng mâo hlăm brô   24.500 êklai prăk, đĭ 4% mkă hŏng wưng anei thŭn dih. Klei bi mnia mblei hŏng ala tč êngao mâo 810 êklăk USD, đĭ 2% mkă hŏng wưng anei thŭn dih. Siămdah, klei hrui wĭt kơ knŭk kna hrŏ 16,6% mkă hŏng wưng anei thŭn dih, jih jang bruă duh bi liê, bruă duh mkra mnia mblei, klei duah bruă knuă mă, klei bi hrŏ ƀun tuôm hŏng llu klei dleh dlan, bruă hlue ngă hdră êlan lăn čar kñăm dôk êmưt. Klei bi kƀĭn anei, mâo klei trông čhai tui duah hdră mđĭ kyar hlăm 6 mlan knhal jih thŭn. Êpul gơ̆ng bruă ƀuôn sang čar Daklak trông čhai lu hdră mghaih msir klei dleh dlan, kñăm mâo hdră êlan djŏ kơ 6 mlan knhal jih thŭn./.