Hnơ̆ng đĭ kyar GRDP hlăm 3 mlan akŏ thŭn/2026 mơ̆ng čar Daklak bi mâo hlăm brô 7,5%, ƀiă hĭn hŏng hdră kčah, mjing boh kdrŭt prŏng kơ dŭm gưl êdei hlăm thŭn. Ti anôk bi kƀĭn, mâo lu klei blŭ lač, kơ klei bhiăn dôk dleh hlăm klei mă bruă, bi mlih hdră êlan mă bruă, hnơ̆ng mkŏ mjing bruă knuă, mjing ai, bi mâo hdră êlan bi mlih prŏng, mđrĭng hŏng bruă klam mơ̆ng dŭm knơ̆ng dhar bruă lehanăn grăp alŭ wăl.

Khua kiă kriê Êpul gơ̆ng bruă ƀuôn sang čar Daklak mtă klei kăp ksiêm hnơ̆ng đĭ kyar hlăm grăp mlan m bi mngač bruă klam mơ̆ng mdê bi anôk bruă. Dŭm klei blŭ lŏ mñă kơ hdră êlan mă bruă ăt adôk êmưt, ka djŏ tui si klei čiăng ôh, jing dleh kơ anôk bruă nah gŭ. Khua bruă Đảng čar Daklak Lương Nguyễn Minh Triết mtă brei mghaih msiê dŭm bruă mă mnơ̆ng hlăm gŭ lăn, bruă pui kmlă, bruă hiu čhưn ênguê lehanăn klei mđĭ mlih hdră êlan mă bruă. Mta kñăm mơ̆ng čar Daklak jing: Amâo mâo lui ôh klei jăk kơ pô jing klei dleh kơ phung duh mkra... čar Daklak bi klă bi mlih hdră êlan, klei mĭn, khăt bi hrŏ hrue mmông lehanăn ênoh bi liê bruă ngă hră mơar mjing boh kdrŭt kơ klei mđĭ kyar./.