Leh mâo klei ksiêm dlăng trông čhai hŏng klei nik, Êpul gơ̆ng bruă ƀuôn sang čar Daklak truh kơ klei bi tŭ ư bi mŭt dŭm anôk bruă sang čư̆ êa 2 gưl să, 2 ƀuôn hgŭm, lehanăn bi mlih anôk ênhă čŏng mâo, lehanăn ênoh mnuih hŏng dua boh să. Msĕ si ti kdriêk Krông Bông srăng bi mŭt să Hòa Tân hŏng să Hòa Thành. Leh bi mŭt mbĭt srăng mă anăn jing să Hòa Thành. Ti wăl krah Buôn Hồ, sa kdrêč să Ea Blang bi mŭt hŏng să Ea Drông. Dŭm adôk jing bi mŭt hŏng să Ea Siên.

Ti ƀuôn prŏng Buôn Ma Thuột srăng bi mŭt ƀuôn hgŭm Thắng Lợi hŏng ƀuôn hgŭm Thành Công mjing ƀuôn hgŭm Thành Công mrâo. Bi mŭt ƀuôn hgŭm Thống Nhất hŏng ƀuôn hgŭm Tân Tiến mjing ƀuôn hgŭm Tân Tiến mrâo. Mbĭt hŏng anăn, čar srăng bi mlih sa kdrêč lăn čŏng mâo, lehanăn ênoh mnuih ti să Ia Rvê, kdriêk Ea Sup mŭt hlăm să Ia Lôp, kdriêk Ea Sup.