Hŏng jih jang klei bi sa ai Êpul hgŭm mâo tŭ mă leh êbeh 400 êklăk prăk mơ̆ng dŭm êpul êya, knơ̆ng bruă phung duh mkra bi đru. Mlan ngă klei bi đru anei čar Daklak mkŏ mjing mbha ti 3 anôk anăn jing kdriêk Krông Năng, Čư̆ Mgar lehanăn ƀuôn prŏng Buôn Ama Thuôt.

Hlue anăn, hlăm mlan bi đru mlan 5 anei srăng mđĭ hĭn klei hâo hưn kơ mnuih ƀuôn sang kơ klei tŭ dưn bruă bi đru kơ phung dôk hlăm klei dleh dlan, mkŏ mjing klei iêo mthưr jih jang djăp êpul êya, phung ngă bi mguôp hŏng mlan bi đru anei, bi đru mdơ̆ng sang dôk, sang pui ti dŭm boh sang hră hđeh điêt, sang hră gưl sa. Bi đru ƀiă êdi 1.000 anôk dôk hlăm klei dleh dlan hlăm čar. Ti anôk mtrŭt mjhar êpul hgŭm gru bi kal hrah čar mâo tŭ mă leh ênoh bi đru anei pioh đru kơ phung knap mñai./.