Klei hâo mdah ti anôk bi kƀĭn brei ƀuh, 6 mlan leh êgao, klei đĭ kyar bruă duh mkra ti čar Daknông mâo 5,23%, ƀiă hĭn êdi mkă hŏng hdră kčah 7,5%. Ba wĭt ngăn prăk kơ knŭk kna hlăm brô 1.550 êklai prăk, hrŏ truh 20,5% mkă hŏng wưng anei thŭn dih. Klei bi liê ngăn prăk mơ̆ng čar kơ bruă kluôm bŏ hŏng klei êmưt, bruă hlue ngă jih jang bruă ala čar kñăm tuôm hŏng lu klei dleh dlan, kyua gun kpăk hŏng dŭm hdră êlan.

Êjai anăn, klei čuăl mkă, hdră kčah kơ bruă djă yua lăn adôk êmưt, klei čuăl mkă bruă bosit hmăi amâo mâo jăk prŏng hŏng klei duh mkra mơ̆ng čar. Blŭ hrăm ti anôk bi kƀĭn, Lưu Văn Trung, Khua êpul gơ̆ng bruă ƀuôn sang čar DakNông mtă kơ jih jang phung bi ala hlăm čar trông čhai, hlak bi mngač jih jang boh klei, tui duah klei awăt kƀah, lehanăn mâo hdră êlan mghaih msir mtam, kñăm mâo prăk duh kơ bruă kluôm. Mơ̆ng anăn mâo hdră mă bruă bi djŏ, kñăm mđĭ kyar klei duh mkra ala ƀuôn./.