VOV4.Êđê- Mơ̆ng akŏ thŭn truh kơ ară anei, knơ̆ng bruă pui kmlă Daknông mâo bi êrah leh truh 375 êklăk kWh pui, đĭ 2,5% mkă hŏng wưng anei thŭn dih, klei luič liê pui kmlă, hnơ̆ng ênoh mâo hrui prăk pui kdlưn hĭn hŏng hdră kčah. Mâo leh giăm 160 êbâo phung yua pui bi tĭng tla prăk pui hŏng êlan knơ̆ng prăk lehanăn êpul bruă dôk krah wah (êbeh 95%).

Hnơ̆ng tŭ dưn pui kmlă ti Daknông hnư̆ hrue hơĭt hĭn, djŏ hŏng klei pioh kơ bruă mđĭ kyar klei hdĭp mda ala ƀuôn. Hlăm 8 mlan êgao, kluôm čar mâo ƀuh lehanăn mghaih msir 676 klei ngă soh hlăm bruă yua pui, lŏ kčui duah lehanăn đŭ bi kmhal hŏng ênoh truh 550 êklăk prăk. Jih jang êpul êya pui kmlă mă bruă amâo mâo mdei đĭ kyar, ba yua hdră êlan mlih mrô hlăm bruă kiă kriê, hlăm klei nao ksiêm, kiă kriê kjăp bruă bi mnia mblei pui kmlă, mâo ngă hlăm klei tŭ dưn hĭn./.

Pô mblang: Y-Khem Niê