Daknông jih ai tiê msir klei amâo mâo thâo hră hlăm krĭng mnuih djuê ƀiă
Thứ ba, 10:30, 06/06/2023
VOV TAYNGUYEN
VOV TAYNGUYEN
VOV4.Êđê- Tlam mbruê 5/6, k’iăng Khua phŭn brưa mtô mjuăt bi hriăm Ngô Thị Minh – k’iăng khua gĭt ala čar kơ klei bi lông bi ruê̆ klei hriăm gưl 3 thŭn 2023 mbĭt hŏng phung hgŭm hlăm êpul mă bruă mrô 3 mâo leh klei mă bruă hŏng čar Gia Lai kơ bruă mprăp kơ klei bi lông bi ruê̆ klei hriăm gưl 3 thŭn 2023.
Hlăm gưl bi lông bi ruê̆ klei hriăm gưl 3 thŭn 2023, čar Gia Lai mâo êbeh 14.800 čô bi klă nao bi lông, hlăm anăn mâo êbeh 3.100 čô jing hđeh sang hră mnuih djuê ƀiă. Čar tiŏ nao hlăm brô 2300 čô knuă druh ngă bruă dlăng klei bi lông ti 41 anôk bi lông hlăm 17 kdriêk, wăl krah, ƀuôn prŏng.
Blŭ hlăm mmông mă bruă, k’iăng khua Phŭn bruă mtô mjuăt bi hriăm Ngô Thị Minh mtă kơ anôk bruă djŏ tuôm srăng lŏ hluê ngă jăk dŭm klei čuăn mơ̆ng Phŭn bruă mtô mjuăt bi hriăm kơ klei bi lông, ksiêm wĭt dŭm bruă mprăp kơ klei bi lông čiăng hmao ƀuh leh anăn mghaih msir tơdah tăm mâo klei amâo mâo jăk.
Viết bình luận